Sakshi Sunil Jadhav
घरच्या घरी सहज तयार होणारी मखाना-फ्रूट स्मूदी ही पौष्टिक, पोटभरणारी आणि आरोग्यदायी पर्याय ठरत आहे. मखाना, शेंगदाणे, ताजी फळं आणि चिया सीड्समुळे ही स्मूदी शरीराला आवश्यक प्रथिने, फायबर आणि अँटिऑक्सिडंट्स देते.
मखाना आणि चिया सीड्समध्ये फायबर जास्त असल्याने पोट जास्त वेळ भरलेले राहते. त्यामुळे अनावश्यक खाणे टाळण्यास मदत होते.
मखान्यात कमी फॅट आणि कमी सोडियम असते. शेंगदाणे व बदामातील हेल्दी फॅट्स कोलेस्टेरॉल नियंत्रणात ठेवण्यास मदत करतात.
बदाम, काजू आणि शेंगदाण्यांतील ओमेगा फॅटी अॅसिड्स आणि व्हिटॅमिन ई मेंदूच्या आरोग्यास पोषक ठरतात.
केळी आणि चिया सीड्समधील फायबर पचनक्रिया सुरळीत ठेवते आणि बद्धकोष्ठता कमी करण्यास मदत करते.
खजूर आणि केळीमुळे साखर न घालता स्मूदीला नैसर्गिक गोडवा मिळतो. त्यामुळे ही डायबेटीस असणाऱ्यांसाठीही नियंत्रित प्रमाणात चांगला पर्याय ठरू शकतो.
दूध, शेंगदाणे आणि मखाना यांच्या मिश्रणामुळे शरीराला आवश्यक प्रथिने मिळतात, जे स्नायू बळकट ठेवण्यास मदत करतात.
अँटिऑक्सिडंट्स आणि हेल्दी फॅट्स त्वचेचा तजेला वाढवतात आणि केसांना पोषण देतात.
ही स्मूदी मुलांच्या वाढीसाठी आवश्यक पोषण देते. शाळेला जाण्यापूर्वी ऊर्जा देणारा उत्तम नाश्ता ठरतो.
थंडगार दूध आणि फळांच्या मिश्रणामुळे शरीराला ताजेपणा मिळतो आणि थकवा कमी होतो.